CASTEDDU. Peruna pastinada in s’ortu personale – si no est una atividade professionale – e vedadu a si mòere dae unu comune a s’àteru. Una crobada sestada intre duos provedimentos – unu regionale e s’àteru natzionale – chi si aplicada a manera firma, sena peruna ordinàntzia interpretativa, arriscat de annànghere s’emergèntzia de sa frunidura de màndigu de importu a cussa sanitària. Est gosi in paritzas biddas de Sardigna: cussas minores, chi sunt sa majoria, ue bi sunt pagos servìtzios, chi si nde chistionat  e iscriet cando si chistionat de ispopulamentu. Non tenent servìtzios, a seguru no ipermercados, sas butegas  non podent dare totu su chi serbit, e galu peus non totus tenent unu isportellu bancomat.

Su primu provedimentu chi ponet pensamentu est cussu chi giughet sa firma de su cabu de sa Forestale Antonio Casula: vedat “sa condutzione hobbistica de ortos, bìngias e ortofrutìcula in gènere in atualidade de coltura e pro interventos agronòmicos chi non si podent trantzire”. Custu su documentu publicadu dae su sìndigu de Seui Marcello Cannas.

Emergenza coronavirus So di toccare un tasto molto dolente per la maggioranza di tutti noi che abbiamo coltivazioni di...

Pubblicato da Marcello Cannas su Domenica 22 marzo 2020

B’at posca una astrinta noa prevìdida dae s’ùrtimu decretu de su presidente de su consìgiu de sos ministros Giuseppe Conte, chi lìmitat meda sos ispostamentos intre sas biddas. Duncas: unu diat pòdere tènnere s’ortalìtzia in s’ortu suo. Ma non podet andare a la collire. E si in sa butega de sa bidda sua nch’acabat, non podet andare a si la comporare in sa bidda acanta. O in su comune “gross” prus serente. Chi custu siat unu problema, e non de pagu contu, l’at pesadu finas s’Anci regionale, ghiada dae Emiliano Deiana.

AVVISO IMPORTANTE PER SINDACI E CITTADINI DEI PICCOLI COMUNI Ho appena chiesto, insieme al collega di Anci Lombardia...

Pubblicato da Emiliano Deiana su Domenica 22 marzo 2020

“Apo pedidu, paris a su collega de Anci Lombardia Mauro Guerra, a su presidente de Anci Antonio Decaro”, iscriet Deiana, “de si fàghere promotore anco su Guvernu pro un’acrarimentu luego a pitzu de su DPCM nou. Serbit de acrarire deretu si sas resones de urgèntzia de su DPCM nou (art.1 lìtera b) e de s’Ordinàntzia Speranza-Lamorgese pertocant persones chi andant a fàghere s’ispesa dae una bidda a s’àtera. In paritzas biddigheddas non b’at nemamcu una butega. In àteras petzi gèneres alimentares ma non b’at su bangheri o su paneteri. Gosi comente mancant sos servìtzios bancàrios o postales mescamente in relata a sas persones prus mannas. Serbit deretu chi s’acraret custu dae banda de su Guvernu. S’arriscat de pejorare sa cosa giai peleosa a dannu de sas comunidades e de sas persones prus dèbiles”.