CASTEDDU. Unu atòbiu bonu e propositivu ue s’est chistionadu de sos temas de importu chi pertocant mìgias de diabèticos de su territòriu nostru”. Lu declarat s’assessore regionale de sa Sanidade, Mario Nieddu, chi oe at atobiadu is assòtzios de is patzientes diabèticos rapresentados dae sa Federatzione Rete Sarda Diabete, cun su presidente suo Riccardo Trentin, e su coordinamentu de is assòtzios de is diabèticos de sa Sardigna, cun su presidente Antonio Cabras e cub su visupresidente Stefano Garau. “Apo chèrfidu dare ispiegatziones craras – mescamente pro duos ghetos – narat s’esponente de sa Giunta Solinas – pro su prus duas cosas. Sa prima pertocat sa frunidura de is dispositivos. Pro is microdifusores amus buscadu camineras, chi si nde b’at bisòngiu ant a cunsentire a is patzientes de retzire sa tecnologia prus adata a is bisòngios issoro, s’incapas barighende is limittziones de sa gara cun su Piemonte, in vigèntzia”.

Su segundu ghetu pertocat sa Consulta regionale de sa diabetologia: “Amus a ativare torra deretu unu traste de importu pro su cunfrontu e sa cumpartzida. Medas is temas de pònnere, de is percursos diagnòsticu terapèuticu assistentziales, a is regìstros de ptologia, a sa rete diabetològica e sas curas in su territòriu Punna comune at a èssere cussa de megiorare s’assistèntzia e sa calidade de sa vida de unu muntone de patzientes diabèticos de cada edade chi istnt in su territòriu nostru.