TEULADA. Finas si cun tempos istentosos, sighit sa retirada dae sa praja de Porto Tramatzu, in Teulada. S’arenile l’ant gosadu sos tziviles dae su 2018. Como sunt faghende traballos pro sas cabinas de s’istabilimentu chi pro deghenas de annos l’ant impitadu petzi sos òmines cun sos isteddos chi traballaiant in su polìgonu.

“amus a sighire sos traballos de seguresa pro nche mòere de su totusas cabinas chi bi sunt in s’arenile impitads in tempos colados, in sa purrata istdiale dae personale civile e militare chi fiant in Capo Teulada”, ispiegant sos de s’Esesèrcitu. Sos traballos sunt a incuru de su personale e mezos de su 1° Regimentu Coratzadu e de su de 5 Regimentos Genios de sa Brigata “Sàssari” chi ant a intervènnere pro s’iscòntzu de sas cabinas e s’ismaltimentu de sa pedra ghetada, pro nde gosare in seguresa dae banda de sa populatzione de totu s’arenile.Duncas pròpriu dae su 1° de santandria, a cuncordu cun s’amministratzione teuldina, gasi prevìdidu dae sa normativa in vigèntzia, s’Esèrcitu at fatu sa bonìfica, siat de sa parte d territòriu interessadu siat cussu lacanàrgiu a su mare, cust’ùrtima faina pro more de sos ispecialistas de sa Marina Militare)”.

Su sìndigu de Teulada, Daniela Serra, espressat prexu pro su resurtu otentu, frutu de sa cumpartzidura de punnas e de sa collaboratzione istitutzionale a livellos diferentes. Est duncas unu esempru cuncretu e atzivu de mantenimentu de sos impinnos leados pro s’armonizatzione e recuilìbriu intre s’isbetu e su chi serbiat a s’Esèrcitu.