CASTEDDU. “OE, 25 de abrile, tzelebramus su valore de sa libertade, ammentende chi pro custa s’est gherradu 75 annos a como, sacrifichende s’esistèntzia sua finas a nche pèrdere sa vida. Depimus torrare gàtzias mescamente a cussa generatzione chi at cunsentidu a totu nois de istare in libertade e sos diritos chi connoschimus”. Custas sunt sas allegas de su Presidente de sa Regione Christian Solinas pro sa festa de sa Liberatzione de su 25 de abrile. “finas in cust’ala, comente a totu sas trinceas de s’Istòria, nos podimus bantare e podimus torrare gràtzias pro s’impinnu de tantos sardos chi ant ofertu unu contributu de giudu a sa testimonia de valores e ideales chi no ant a ischirriare mai”, at annantu su guvernadore, “Su tostorrìmine e su coràgiu mustrados tando depent èssere de esempru pro totu nois mescamente in custu mamentu de dificultade manna pro parare fronte a una emergèntzia chi non si fiat bida mai in antis”.