CASTEDDU. “Su sistema produtivu est unu de sos malàidos prus graes de Covid-19 e a isse tocat de li dare curas a tretu de sa situatzione econòmica chi est drammàtica e paritzas impresas arriscant de non torrare a abèrrere”, gosi su presidente de Confcommercio Sud Sardegna Alberto Bertolotti, cummentat sa crisi mai bida cajonada dae s’emergèntzia coronavirus. “A seguru peruna manovra diat pòdere faghere torrare che prima sas cunditziones econòmica ma custa, naradu dae medas, est una gherra. Amus a torrare a segus, l’ischimus totus. E non pagu. Ma semus gente, nois imprendidores chi, si cherimus, ischit a fraigare torra. Non non mancant ne ideas, nen coràgiu, nen atzudesa, nen cumpetèntzias”.

A parre de su presidente Bertolotti non sunt galu bastantes sas mesuras istatales pro sustènnere su tessutu produtivu de su “Cura Italia” e pensat chi bisòngiet unu  progetu italianu mannu. “Nos nde sapimus chi est una resposta a sas primas, isbetamus chi su guvernu fatzat àteros provedimentos, chi si potzant disfrutare deretu cun normas de atuatzione atzivas, leende sa burocratzia de sas pràticas e chi s’Eurogrupu sèberet de pigare una resposta comune europea chi afòrtiet sos interventos istatales”.

Su cumpartu turìsticu, a parre de Confcommercio Sud Sardegna est cussu chi nd’at a prànghere de prus. “Medas sos temas galu sena serrados e subra custos amus a sighire a traballare cun sa punna de trasmìtere a chie sèberat chi sembus cumbintos chi su setore turìsticu at a tènnere sos dannos prus mannos. Intamas àteros nd’anta gosare (cummèrtiu online, distributzione alimentare, produtzione de ortofruta intre de totus).

S’assòtziu de categoria promovet sas fainas fatas finas a como dae sa Giunta Regionale.