CASTEDDU. Resursas noas pro tutelare sas categorias prus dèbiles e promòvere fainas de poderamentu pro s’ismenguada econòmica subra sas atividades produtivas cajonadas dae su Covid-19. Est s’apellu fatu dae Nanni Lancioni (Partidu Sardu de Atzione), in s’interis de sa setziada de sa commissione traballu formatzione professionale e cultura, cun una impromìtida: “Non bolimus lasare a sa sola sas impresas e sos traballadores in unu mamentu gosi dìlicu. Est unu impinnu econòmicu de giudu, cun s’impèllida de sa giunta e de totu s’assemblea regionale, pro pònnere finantziamentos noos a favore de impresas impinnadas in sos paritzos cumpartos, dae su turismu a s’artesania finas a s’edilìtzia e a s’agrualimentare. Postu in contu chi s’ant a dèpere privilegiare sas aziendas chi tenent sede in Sardigna, sena lassare a banda sos dipendentes finas de cussas aziendas cun sede foras de s’ìsula nostra. Depet èsssere unu sinnale forte su chi cherimus dare in custu ammentu de emergèntzia a su sistema imprenditoriale isulanu”.
Pro custu, in intro de sa manovra dibatada dae su parlamenteddu nche sunt istadas esamninadas sas mesuras chi depent sustènnere totu sos setores produtivos. Est petzi unu inghitzu: “Sunt prevìdidas, a comintzu, resursas che pare a prus de 15 milliones de èuros – sutalìneat Lancioni – pro agiudare totu sas boghes de s’economia sarda. Atentu piessinnadu s’at a dèpere pònnere a tale chi custas resursas andent deretu a sas aziendas e sos processos burocràticos o de su sistema creditìtziu no isciùscet sos isfortzos nostros.
