Limba Sarda

Ryanair non lassat Casteddu e àrtziat s’oferta cun tres rutas noas cara a Italia

  ITA      SRD

Ryanair

 

 

CASTEDDU. Ryanair non si retirat dae Casteddu e, nointamas sa crisi, provat a pònnere tres rutas noas natzionales chi ant a cullegare su Mario Malei cun Brindisi, Palermo e Perugia. Ant a èssere ativas dae su primu de nadale cun 2 frcuèntzias cada chida, in su trabballu ierrile de Ryanair 2020.

Sos clientes italianos de Ryanair podent como prenotare una vacàntzia in su territòriu natzionale finas a martzu 2021, bolende cun sas tarifas prus bassas e cun una sèrie de mesuras sanitàrias noa chi Ryanair at afortiadu pro amparare sos clientes e s’ecuipàgiu suo. Pro afestare, Ryanair at fatu s’oferta ispetziale cun tarifas dae 9,99 èrusos, pro biàgios dae su primu de su mese de idas finas a s’accabu de freàrgiu 2021. Sos bolos si depent prenotare intro sa mesunote de giòbia 22 de santugaine, petzi in su giassu web Ryanair.com.

Custos sos biàgios ierriles dae e cara a Casteddu*: Casteddu-Brindisi, Casteddu-Milano Bergamo,  Casteddu-Bologna, Casteddu-Bari, Casteddu-Parigi Beauvais, Casteddu-Roma Ciampino, Casteddu-Bruxelles Charleroi, Casteddu-Catania, Casteddu-Cuneo, Casteddu-Cracovia, Casteddu-Milano Malpensa, Casteddu-Perugia, Casteddu-Parma, Casteddu-Palermo, Casteddu-Napoli, Casteddu-Pisa, Casteddu-Londra Stansted, Casteddu-Torino, Casteddu-Trieste, Casteddu-Venezia, Casteddu-Verona.

Jason Mc Guinnes, Diretore cummertziale de Ryanair at declaradu:” Semus prexados de annuntziare 3 rutas noas natzionales in Itaia, traballende a cumentzu de su primu de nadale 2020. S’Italia est unu de sos mercados prus mannos e cherimus sighire a sustènnere s’istantargiada econòmica, sa connetividade e su turismu in totu su Paisu.

Renato Branca, amministradore delegadu Sogaer: “Cun 21 destinatziones dae su cabu de logu sardu, s’afòrtiat sa relata cun sa cumpannia irlandesa, chi in Casteddu tenet una de sas bases suas in Italia. S’afortiada de sas rutas nos cunsentit de castiare cun otimismu a sos meses chi intrant. Dae s’Aeroportu de Casteddu si podet biagiare de su totu in seguresa e nos isbetamus una imposta bona dae banda de su mercadu. A seguru sas novas de sas rutas chi cullegant Casteddu cun Torino, Palermo, Perugia e Brindisi in s’istajone de ierru sunt pro nois cajone de orgòlliu e testimoniat torra s’incantu pro Casteddu e totu sa leada de su Sud Sardegna, gas comente agiudat sos Sardos a lòmpere a àteras destinatziones””.

 

contributo regione sardegna sito.jpg