Limba Sarda

Sa rechesta de sa Regione a sos Retores: “ Orus cursos pro sos insegnantes de sustennu"

  ITA      SRD

scuola

 

 

CASTEDDU. Cun una lìtera inviada a sos duos Retores de sas Universidades de Casteddu, Maria Del Zompo e de Tàtari, Massimo Carpinelli, s’Assessore de s’Istrutzione, Andrea Biancareddu, at pedidu de ismanniare sos Cursos de formatzione e cualificatzione professionale pro sos insinnantes, pro leare sas ispecializatziones pro sas atividades de sustennu.

“Apo pedidu a sos duos Retores de ismanniare sos postos pro s’Annu acadèmicu 2020/2021” at naradu Biancareddu, “cunsiderada grae sa farta isparghinada de docentes ispecializados pro sas atividades de sustennu didàticu a sos alunnos cun disabilidade in sas iscolas de cada òrdine e gradu in su territòriu regionale. Su bisòngiu est cussu de ammerare a una farta manna crònica de personale ispecializadu. Sa farta comomai crònica de ispecializados arriscat de pònnere in dificultade medas famìlias chi tenent bisòngiu de dare a fìgios issoro portadores de patologias cumplessas. Custa situatzione, at marcadu torra s’esponente de sa Giunta Solinas “ispèro agatet rimediu luego, pro assegurare a sos istudentes sardos su traste chi serbit pro lòmpere sos grados prus artos de sos istùdios. A sos duos Magnìficos Retores pro custu sa rechesta de addopiare pro s’annu acadèmicu 2020/2021 chi intrat su personale, gasi comente postu in contu in su Decretu Ministeriale n. 95 de su 12 de freàrgiu de s’annu coladu.

 

contributo regione sardegna sito.jpg