Limba Sarda

Torrant a abèrrere sos centros istadiales in Sardigna, Solinas: "Una cosa de importu pro is pipios"

  ITA      SRD

CENTRI-ESTIVI

 

 

CASTEDDU. “Sos centros istadiales pro sa pipiesa de Sardigna ant a torrare a cumentzare sas fainas issoro e l’ant a fàghere in seguresa. Sa tutela de sa salude de sos sardos est e at a sighire a èssere de importu in sos sèberos nostros. Su chi est acuntessende como pro s’epidemia in Sardigna, cun una circulatzione virale intre de sas prus bassas in Italia, certìficat s’atzivesa de sas mesuras e de sos trastes impitados pro parare fronte a s’apidemia. Oe, sena abrandare s’atentu, damus unu sinnale forte a sos operadores de su cumpartu chi a sas famìlias , a sos pitzinnos e a sos pipios, subra de sos cales su pesu sociale e psicològicu de s’isulamentu de sos ùrtimos meses at pesadu meda a beru”. Sunt sas allegas de su Presidente de sa Regione, Christian Solinas, chi est cuntentu pro s’aprovatzione de sa delìbera cun sa cale sa Giunta, in atuatzione de su chi est apostivigadu in s’ùrtima Ordinàntzia, fata su 14 de làmpadas, e de su Dpcm de s’11 de làmpadas, definit sas proceduras de sighire pro inghitzare torra sas fainas de sos centro istadiales pro pipios e adolescentes in sa fase 2 de s’amergèntzia Covid-19.

“Pro torrare a cumentzare – narat s’assessore regionale de s’Igiene e Sanidade e Assistèntzia sociale, Mario Nieddu, chistionende de su provedimentu presentadu de acordu cun su collega de s’Istrutzione Pùblica, Andrea Biancareddu – amus impitadu una procedura simplificada e lestra, a tales chi s’inghitzu de sas fainas siat subordinadu a sa comunicatzione de su progetu organizativu pro mèdiu de sa presentatzione de una declaratzione, de mustrare a s’amministratzione comunale e a su servìtziu de igiene pùblica cumpetentespro territòriu, chi atestet su respetu de sos disponimentos in matèria de cuntenimentu de s’isparghinada de su Covid-19. Non b’at a èssere bisòngiu de isbetare su eja. Sas autoridades ant a pòdere averiguare dereto, ma sos gestores de sos centros istadiales, ue si faghent fainas lùdicu-recreativas, ant a pòdere torrare a traballare deretu.

B’at in prus sa sutascirtzione de unu “patu de corresponsabilidade” piessinnadu, intre gestores e famìlias de sos pipios iscritos, pro su respetu de sas règulas e de sas mesuras anti-contàgiu. Sos centros chi l’ant giai fatu presentende unu pianu organizativu non depent a adempimentos noos si no est chi bi siant de fàgehre integratziones.  

 

contributo regione sardegna sito.jpg