Limba Sarda

Inghitzant sas dimandas de cassa integratzione pro s’emergèntzia coronavirus in Sardigna

  ITA      SRD

Crisi-coronavirus

 

 

CASTEDDU. “Sa Sardigna dat una prima resposta cuncreta a totu sas impresas chi tenent diritu a sa cassa integratzione in deroga pro s’emergèntzia COVID-19”. L’at naradu s’assessore regionale de su Traballu, Formatzione e Cooperatzione Sotziale, Alessandra Zedda, comunichende chi cras, 3 de abrile ant a publicare in www.sardegnalavoro.it s’avisu chi tenet sos piessinnos pro sa presentatzione, dae banda de sos datores de traballu o delegados issoro, de sas dimandas pro s’ativatzione de sa cassa integratzione in dèroga, chi s’invitu s’at a pòdere fàghere pro mèdiu telemàticu moende dae sas 9 de mangianu de mèrcuris 8 de abrile 2020.

“Sa Regioneest traballende a lestru pro tutelare sos traballadores e sas impresas e nos abbigiamus chi custa est una fase emergentziale chi rechedit interventos luego”, at marcadu s’esponente de sa Giunta Solinas. A pustis de sa sutascritzione de s’acordu cuadru de su 26 de martzu 2020, intre de su presidente de sa Regione, Christian Solinas, s’assessore de su Traballu, sos Assòtzios sindacales e datoriales, totu sos datores de traballu de su setore privadu chi tenent unidades produtivas o operativas de cale si siat mannària postas in Sardigna, inghitzende dae mèrcuris chi intrat, ant a pòdere pedire su tratamentu de integratzione salariale in dèroga (CIGD) pro sos dipendentes issoro chi l’est istada suspèndida o reduida in parte sa prestatzione de traballu pro neghe de s’emergèntzia sanitària de COVID-19.

Sa CIGD podet èssere reconnota a manera retroativa moende dae su 23 de freàrgiu 2020 a totu sos traballadores subordinados, in cale si siat forma cuntratuale sena pònnere in contu s’antzianidade de traballu fatu in sas aziendas chi sunt pedende su tratamentu.

 

contributo regione sardegna sito.jpg