CASTEDDU. Ant publicadu su bandu, prevìdidu dae sa Lege Regionale 22 de su 23 de trìulas 2020, pro sos contributos a sos traballadores chi sunt in crisi ocupatzionale, chi, comente marcat s’assessora regionale a su Traballu, Alessandra Zedda, “pro neghe de s’emergèntzia sanitària chi semus connoschende diat arriscare de impeorare galu de prus cun s’essclusione sotziale finas. Sas fainas ammaniadas dae sa Regione punnant a parare fronte a custa situatzione grae”.

S’avisu pùblicu est pro sos traballadores ex Sardinia Green Island, Keller, Vesuvius, Ottana Polimeri e Ottana Energia e S&B Olmedo,, chi ant giai sessadu cun sos ammortizadores sotziales o nche los sunt ispitende intro su 2020 e traballadores ex Sittel e ex Unilever.

Sos interventos prevìdidos s’assentant in su cuadru de fainas ammaniadas dae sa Giunta Solinas in resposta a sa crisi econòmica chi benit dae sa pandemia de Coronavirus. Prus a notu, sos traballadores ant a pòdere gosare de unu contributu econòmicu pro s’emergèntzia Covid-19 de dare una tantum pro metade de su contributu in totu chi tocat a cadaunu benefitziàriu, pro sa purrata dae maju a austu 2020.

Custa procedura est a isportellu, cunforma a s’òrdine cronològicu de arribbu/inviu a sistema de sas dimandas cumpletas e cumpiladas in manera curreta, finas a ispitire sas resursas finantziàrias a disponimentu che pare in totu a 7 milliones e 150 mìgia èuros pro s’annu 2020.L'intera gestione delle domande di accesso al presente Avviso è informatizzata ed è effettuata esclusivamente attraverso il portale SIL (www.sardegnalavoro.it). Le domande potranno essere presentate a partire dalle ore 09 del 4 dicembre 2020 fino alle ore 24 del 18 dicembre 2020.

Totu sa gestione de sas dimandas de gosamentu de custu Avvisu est informatizada e si faghet petzi pro mèdiu de su portale SIL (www.sardegnalavoro.it) . Sas dimandas s’ant a pòdere presentare dae sas 9 de mangianu de su 4 de su mese de idas 2020 finas a mesunote de su 18 de su mese de idas 2020.