CASTEDDU. Chimbe milliones de èuros pro sa Sardigna pro sos traballos de sa segnalèticaverticale noa. Dinare chi faghet parte de su bandu natzionale meda prus ampru, partzidu in 16 lotos, pro unu valore in totu de 80 milliones.

“Cun sos investimentos intregados a sa manutentzione programmada”, at declaradu s’Amministradore delegadu de Anas, Massimo simonini, “semus traballende pro megiorare totu sos piessinnos de s’infrastrutura istradale: dae sas barrieras de amparu cun eficèntzia ampra progetadas dae s’Anas a su pamentu nou, dae sa sinnalètica istradale a s’illuminatzione de bias e gallerias pro megiorare sa visibilidade. Su bandu nou de 80 milliones de èuros pro traballos de sa sinnalètica verticale noa tenet sa punna de afortiare sa seguresa e sa comodidade de guida de sos biagiadores in sa retze viària nostra. Giai in s’interis de su 2019 e de su 2020 amus apaltadu 57 interventos pro unu valore de investimentu de 52,5 milliones de èuros”.

Sos apaltos, cun dura de bator annos ant a inghitzare cun su Acordu cuadru chi assegurat sa possibilidade de cumentzare sos traballos deretu cunforma a sa programmatzione de sa manutentzione de sos istradones.

Sas impresas interessadas ant a dèpere imbiare sa rechesta digitale cun sa documentatzione pedida a su Portale Acquisti di Anas https://acquisti.stradeanas.it, pena s’esclusione, intro de mesudie de su 9 de su mese de idas 2020. Pro informatziones prus craras subra totu sos bandos de gara e pro sas iscadèntzias de presentada de sas ofertas si podet castiare si situ internet stradeanas.it in sa setzione Fornidores/Bandos de gara.