CAGLIARI. "In cabidanni sa regione Veneto, cun s’Azienda Zero sua, at bandidu una gara pro comporare chentenas de mìgia de tampones lestros. Proite sa Sardigna non b’at leadu parte?” Est sa pregunta chi su grupu de sos Progressisti in Consìgiu regionale at postu pro iscritu in una interrogatzione fata a su presidente de sa Regione Christian Solinas e a s’assessore a sa Sanidade Mario Nieddu. Sos consigeris de s’opositzione faghent referèntzia a unu apaltu pro comporare tampones a tretu de dare un’èsitu in 10-15 minutos, ue b’ant leadu parte Lombardia, Lazio, Emilia Romagna, Friuli e Piemonte, in prus de sa provìntzia de Trento. “Sa Regione Sardigna, intamas, - denùntziant – non b’at leadu parte a su maxi apaltu”.Proite non presentare sa dimanda? Si pedint sos Progressisti in s’interrogatzione. Chi pèdint a Solinas  e a Nieddu subra “temsticas e maneras apostivigadas pro dare a sos sardos sos tampones lestros”. “B’at galu sa possibilidade, ma mescamente s’ispera – annanghent – chi sa Regione siet faghende de su totu in manera autònoma, cun unu traste alternativu a cussu de s’apaltu, prus lestru e atzivu. De cada manera, peruna comunicatzione de custa genia est arribada a su Consìgiu regionale”.