S’assessore at ispricadu chi sunt unas cantas tapas de campionados mundiales e torneos internatzionales de disciplinas diferentes: : motocross, motonàutica, vela, beach soccer, beach volley, nadòngiu, kitesurf, tennis, ballu isportivu, polo, judo, biliardu: "Ant a arribare in Sardigna sos intèrpretes mègius de custas disciplinas”, at sighidu Chessa, “est una torrada econòmica de importu pro sa regione nostra chi ismànniat sos flussos turìsticos in cussos chi si mutint meses de coddos. Eventos de balia, campionados de su mundu e torneos, chi ant a batire s’atntzione de sos mèdia de totu su pianeta. Su gastu est de belle 9 milliones de èuros chi ant a assummare sos 2 milliones giai postos pro sos 4 eventso chi ant fatu in su 2020”. S’assessore at retzidu su emmo dae sa de chimbe commissiones pro sa rechesta crara de una isparghinada parìvile de sas manifestatziones isportivas in totu su territòriu regionale illarghiende, s’incapas, su nùmeru de ventos de ospitare in Sardigna.

 

In s’interis de sa setziada de custu mangianu, su parlamentu ghiadu dae Piero Maieli at chistionadu de artesania e enoturismu. Sa cummissione at nau ca eja, a s’unanimidade, a sa delìbera de su 18 de santandria coladu chi ponet 2 milliones de èuros in favore de sas impresas artesanas chi chèrgiant favorèssere su càmbiu intergeneratzionale. Emmo finas a sa proposta de lege subra s’enoturismu, su testu disciplinat s’atividade de intregu de bufòngiu e màndigos a sos turìstas chi andant a bisitare sos magasinos. Su provedimentu l’ant a trasmìtere como a su Consìgiu de sa Autonomias Locales e a sa Commissione Bilàntziu pro su parre  subra sa parte finantziària pro lu mandare posca in àula.