CASTEDDU. Sos sindacados isbeaiant dae 15 meses, sa commissione no andat a s’atopu. E capitadu eris in Consìgiu regionale e sa minoria si chèciat: “ depiat èssere un’atòbiu de importu, ca si depiat chistionare de cassa integratzione cun sos istentos mannos suos, ma finas sos agiudos pro chi no at retzidu galu nudda e su tema de s’iscola, atera cosa de bergùngia”, ischìtzinant sos consigeris de s’opositzione.Est una de sas commissines chi diat dèpere traballare de prus, e intamas non faghet nudda”, at naradu sa cabugrupu Desirè Manca, “cassa integratzione e iscola est ladinu chi no interessant a chie guvernat”.

Prontu a si dimìtere su consigeri de Italia Viva Franco Stara: “Non b’intro nudda in custa commissione, si diat dèpere atobiare una die emmo e una nono, intamas s’atòbiat cada 15 dies e si si lompet a su nùmeru legale est petzi pro more de sa minoria”.

A parre de Laura Caddeo de sos Progessisti: “Su sèberu de non si fàghere bìere in commissione penso chi siat istada una trassa pro bogare a campu pagu balia”. Piero Comandini de su PD at ammentadu chi:”Sa Regione aiat leadu de su totu s’impinnu de dare dinare a sas impresas, braghende pro una manovra de 100 milliones, cheriamus ischire a ue nche semus lòmpidos cun custu acordu. Custu ammustrat cantu est su cntivìgiu issoro pro su traballu e s’iscola”.