CASTEDDU. Sunt 21 sas santziones amministrativas chi sos forestales de averiguada ambientale at fatu a ristorantes, chioscos e piscadores chi bendiant arritzones, siat purpa chi in vasiteddos, minoreddos e sena etichetta. Trintachimbe compudadas intre Casteddu, Cuartu, Sestu, Ceraxus, Crabonaxa, Murera, Cabuderra, Pula e Arbus.

Sas santziones assummant in totu a 90.000 èuros. Deghe de 6000 èuros pro sa bèndida de arritzones postos in vasiteddos sena etichetadura, 11 sas santziones intre 1500 e 3000 èuros cadauna pro sa farta de traciabilidade de su piscadu e pro sa leada de arritzones galu minoreddos. Trintamìgia sos esemplares pro unu tantu in totu de 200kg de arritzones minores postos suta secuestru e torrados a pònnere in mare, 4 sos kg de purpa de arritzones posta in vasiteddos in manera illegale e secuestrada.