Limba Sarda

Manutentzione de pontes e viadotos: 100 milliones pro sa Sardigna

  ITA      SRD

anas

CASTEDDU. Sighit s’impinnu de Anas (Grupu FS Italiane) cun sa manuntentzione programmada in sa rete istradale sua cun unu bandu de 1,2 miliardos de èuros pro su resanamentu istruturale de sas òperas de arte cun interventos chi punnant a sa cunservatzione, s’afortianentu istàticu e s’amparu sìsmicu de pontes e viadotos in totu su territòriu natzionale. Chentu milliones de èuros sunt intregados a sa Sardigna.

“Sa seguresa de sas infrastruturas” narat s’Amministradore Delegadu de Anas, Massimo Simonini, “est una de sas prioridades nostras. Cun custu investimentu de importu pro sa manuntentzione programmada de pontes e viadotos punnamus a ammodernare de prus sa rete de istradas pro sos impitadores e totu sa comunidade. A gastare difatis, mesche in custa purrata mala, est unu contributu pro s’istrantagiada econòmica de su Paisu”.

Su bandu est partzidu in 24 lotos, pro unu valore in totu de 50 milliones de èuros cadaunu, pro s’intregu de ateretantos acordos cusdru de dura de bator annos partzidos in totu sas istruturas territoriales de Anas. Prus a notu: Piemonte e Valle d’Aosta (lotos 1 e 2); Lombardia (lotos 3 e 4); Veneto e Friuli Venezia Giulia (lotos 5 e 6); Emilia-Romagna (lotos 7 e 8); Liguria (lotu 9); Toscana (lotu 10); Umbria (lotu 11); Marche (lotu 12); Lazio (lotu 13); Campania (lotu 14); Basilicata (lotu 15); Abruzzo e Molise (lotu 16); Puglia (lotu 17); Sardigna (lotos 18 e 19); Calabria (lotu 20); A2 “Autostrada del Mediterraneo” (lotu 21); Sicilia (lotos 22, 23 e 24). 

Sos apaltos, de dura de bator annos, s’ant a inghitzare cun su Acordu Cuadru chi assegurat sa possibilidade de comintzare sos traballos luego cunforma a sa programmatzione de sa manutentzione de sas istradas.

Sas impresas interessadas ant a dèpere fàghere arribare sas ofertas digitales issoro, paris cun sa documentatzione pedida, in su Portale Avquisti de ANAS  https://acquisti.stradeanas.it/ a pena de esclusione, intro de mesudie de su 14 de su mese de idas 2020. Pro informos piessinnados subra totu sos bandos de gara e pro sas iscadèntzias de sas ofertas si pdet castiare su situ internet  http://www.stradeanas.it/  in sa setzione Fornitori/Bandi di gara.

 

contributo regione sardegna sito.jpg