Limba Sarda

Espulsos dae s’Itàlia, bi torrant subra una barchita: arrestados duos algerinos

  ITA      SRD

barchino-migranti

 

 

CASTEDDU. Duos algerinos espulsos dae s’Itàlia sunt torrados in Sardigna a manera illegale cun una barchita. Sa politzia at arrestadu a A.B., cando sa sala operativa de sa Guàrdia Costiera de Casteddu aiat bidu una barchita cun 10 persones in intro, chi fiat in mare a 4 mìglias nàuticas dae sas costas de Porto Pino, comune de Arresi. Buscada sa barchita, s’unidade navale de sa Guàrdia de Finàntzia “Garulli” l’at acumpangiadu finas a su portu de Sant’Antiogu ue ant fatu s’isbarcu. Totu sos istràngios declaraiant de èssere algerinos, mòidos dae su Paisu issoro pro lòmpere in Frantza, sena documentos de identidade, visto o permissu de sogiòrnu pro s’espàtriu o sogiòrnu.

Su de duos migrantes l’ant sucursu su 23  de cabudanni: unu echipàgiu de sa Guàrgia de Finàntzia, impinnada on sas fainas de cuntrastu de s’immigratzione clandestina, bidiat in su tretu de su polìgonu mlitare de Teulada, una barchita de linna cun motore fuoribordo chi, pro neghe de su fundale bassu acurtziendesi a sa costera s’incastraiat in sos isòlios. 12 personas las ant sucursas e, lassende sa barchita, si sunt cuados in mesu de sas perdas de mare.

 

contributo regione sardegna sito.jpg