Limba Sarda

Sos paneteris sardos: "Calant sas dimandas, non s’iscaresciedas de nois immoe chi tenimus bisòngiu"

  ITA      SRD

panettiere-mascherina

 

 

CASTEDDU. In custas chidas longas de barantena, issos sunt istados intre sos pagos “bene assortados” chi ant pòdidu sighire traballende, coghende e bendende su frutu de su impinnu issoro: su pane. Sunt sos paneteris artesanos de Sardigna, 732 impresas e 3 mìgia traballadores, chi finas in tempos de sarrada, cun professionalidade e sighende sas normas de seguresa, ant fatu arribare, die cun die, su produtu reghente in sas mesas de sos sardos.

Partzidos intre de produtzione e bèndida, in custa purrata sunt istados una firgura de importu pro totus sos consumadores: a de note traballende in sos laboratòrios e a mangianu bendende su pane in sas butegas o dende lu dae domo in domo. Peroe finas custu setore at preleadu pro su calu de sa dimanda e s’ismenguada de sos giros de afàrios e sa posta in integratzione obligada mancari si a dolu mannu de una bona parte de su personale.

“Nois panificadores in custos meses amus pòdidu, e dèpidu, acumprire su traballu de frunire sa populatzione de pana fitianu – narat Gianfranco Porta, Presidente de Paneteris de Confartigianato Sud Sardegna – e l’amus fatu comente semper a sa muda, traballende  a su note in sos laboratòrios, respetende a primos sas normas de seguresa noas postas dae su guvernu, cun sensu de responsabilidade, comente a semper”.

 

contributo regione sardegna sito.jpg