CASTEDDU Dae cras, giòbia 10 de cabudanni, s’at a pòdere presentare sas dimandas pro otènnere sas agevoltziones finalizadas dae sas Regiones a su sustennu econòmicu de micro e impresas minores e traballadores autònomos de sa Sardigna.

“ Semus traballende a fitianu e sena pasu a tales de sustènnere su sistema econòmicu de sa Sardigna e amparare sas impresas micro e minores, bi sunt sos traballadores autònomos, chi ant prantu unu dannu econòmicu mannu pro s’esercìtziu de s’atividade issoro a pustis de s’emergèntzi sanitària de Covid-19”. Lu narat s’assessore regionale de su Traballu e Cooperatzione Sotziale, Alessandra Zedda, ammentende chi dae cras sos sugetos chi traballant in su mundu de s’editoria lirbraja, operadore de s’ispetàculu de persone, teatru, cultura dantza, ambulantes e giostrajos de festas e sagras de bidda, agentzias de biàgiu, ant a pòdere leare parte a su bandu pro otènnere contibutos dae unu mìnimu de 2000 èuros a unu màssimu de 3000 èuros, a sustennu de s’atividade econòmica issoro.

Sa presentatzin de sas dimandas s’at a pòdere fàghere petzi cun su Sistema Informativu de su traballu e de sa Formatzione Professionale a s’indiritzu : www.sardegnalavoro.it intro e non prus tardu de sas 23.59 de su 30 de cabidanni 2020.