CASTEDDU. “Su reconnoschimentu pro sos operadores sanitàrios impinnados in s’emergèntzia Covid diat dèpere èssere aprovadu intro su mese, pro unu tantis de a su mancu tres milliones de èuros”. Lu narat su segretàriu provintziale de sa Fials, Paolo Cugliara, cun una punta de billete. “Est su chi at impromìtidu s’assessore a sa Sanidade Mario nieddu e su presidente de sa Regione Christian Solinas”, sighit su comunicadu.

Su 25 de làmpadas coladu, cando b’at àpidu sa chèscia de sos operadores sanitàrios e de sos rapresentantes sindacales issoro a in antis de su Consìgiu regionale, una delegatzione FialsAt atobiadu s’assessore Nieddu. “Isperemus chi s’atopu siat de profetu non petzi a allegas”, sighit Cugliara. In s’atòbiu in antis sos rapresentantes de su sindacadu àteras rechestas, intre de custas “s’achirida deretu de resursas umanas chi mancant in sas aziendas sanitàrias regionales. Prus a notu in sa Aou (Casteddu) a tales de pòdere faghere gosare de sas fèrias istadiales e de permìtere a sas aziendas chi non podent intrare in graduatòria sa nòmina de infermieris in “somministratzione orària”. Sas àteras rechestas sunt:

• Assuntziones pro su reìntegru chi serbit de sos orgànicos.
• Su pagamentu de sos festivos.
• Sa seletzione de su cunferimentu de sos incàrrigos pro petzi tìtulos.
• Prus trasparèntzia dae banda de sas ghias aziendales ATS Sardigna.
• S’ativatzione e sa valorizatzione de s’Infermieri de Famìlia e de Comunidade.
• S’adeguamentu luego de s’ATS Sardigna dae sa normativa natzionale in matèria de apaltos pùblicos, cun s’aprovatzione de su regulamentu pro sos incentivos pro sas funtziones tècnicas.
• S’adatamentu, cunforma a sas averiguadas chi pertocant su gastu de sa vida, e a su servìtziu remplassadore mensa (bonos pastos) cun allineamentu a sos istandard natzionales.