CASTEDDU. "Su decretu subra sos traposrtos marìtimos arriscat de cajonare su caos in sas rutas cara a Sardigna, sos ministros la curregant luego”. Gosi Ugo Cappellecci, deputadu e coordinadore regionale de Forza Italia in Sardigna, atacat a su guvernu subra su provedimentu ministeriale chi permitit dae oe petzi sos biàgios in continuidade territoriale. “S’impitu a s’ùrtimu de su provedimentu – narat Cappellacci – leat a sa fidada e noghet a paritzos biagiadores chi oe sunt in sos iscalos portuales cun unu billete in manos e chi aiant postu in mente a su guvernu subra sa circulatzione lìbera. Paret cuntraditòriu – sighit s’esponente asulu – su sèberu se permìtere sos biàgios petzi in sas naves chi tenent su regìmene de continuidade territoriale e non in sas àteras, chi impitant sos matessi protocollos sanitàrios”.

Cappellacci sighit: “si sa punna est cussa de abrandare sos contàgios, sos ministros no ant postu in contu chi a isparghinare sos passeggeros in prus naves diat èssere sa solutzione mègius cunforma a s’a sortida de custos in cussas de sa cumpannia chi gestit su servìtziu in regìmene de continuidade territoriale? In prus, si si sighit in custa lìnea, b’at a èssere sa pelea de sos rembursos chi a seguru non s’ant a ghetare a coddu de sos passegeros lassados in terra e nemmancu a sas cumpannias, “vìtimas” de unu decretu machillotu. E annùntziat sa presentada de una interpellàntzia urgente: “Namus a sos ministros de currègere deretu su decretu e a istesiare sos esfetos de unu sèberu chi diat a pejorare sas cunsighèntzias econòmiacs de sa pandemia”.