CASTEDDU. “In custas dies sa Giunta regionale est impinnada a parare fronte a s’emergèntzia natzionale cajonada dae su virus COVID-19 compudende a fitianu totu sas fainas pro s’amparu de sa salude pùblica e de sos tzitadinos sardos. Mancari gasi, finas in unu mamentu de pelea che a custu, s’atentu nostru subra sa vertèntzia difìtzle chi at crobadu sos 1453 de sa cumpannia Air Italy est semper artu”. S’asseguràntzia subra de una de sas vertèntzias de traballu prus difìtziles chi b’at in Sardigna arribat dae su presidente de sa Regione Christian Solinas.

L'approdo a Roma delle vertenza Air Italy

“Subra de custu, cherimus asseliare a totu sos traballadores e sas famìlias issoro narende li – comente antetzipadu finas in sas chidas coladas in Roma a in antis de una rapresentàntzia de su personale – chi sa Giunta regionale est traballende pro istudiare solutziones a tales de amparare sos livellos de traballu, prus a notu cussos chi nche torrant in su territòriu regionale”, at annantu su guvernadore.

“Nos nde sapimus duncas”, at naradu galu, “de su bisòngiu de fàghere prus a lestru pro lòmpere a unu resurtu chi acuntentet s’economia de su territòriu e cunsentat de chistire su patrimòniu professionale e tecnològicu acapiadu. Gasi comente atinamus chi b’at su bisòngiu mannu de dare una informatzione luego subra sas fainas chi semus faghende e chi s’atzivesa issoro, in unu mamentu gosi dìlicu, diat pòdere andare male si si nche iscòviat ite semus ammaniende”.