CAGLIARI.Su Coronavirus at tentu consighèntzias graes in totu s'ìsula, s'emergèntzia sanitària s'est fata econòmica. S'imprendidoria, giai dèbile, est sufrende de prus puru. Sa polìtica podet e depet donare respostas iscurtende sos territòrios in ue b'at disàgios e finas oportunidades.

Custos sunt sos temas chi afrontamus cun Lorenzo Carcàngiu, sìndigu de Mogorella, bidda de 440 abitantes in provìntzia de Aristanis, chi est provende a torrare a ponnere in pee su patrimòniu de sas domos e s'economia locale, mancari chi cun pagu resursas, chi ocannu ant a essere prus pagas puru.

Sos comunes prus piticos sunt s'ispina dorsale de s'ìsula, podent bantare una calidade de sa vida atra meda, ma sunt semper prus pòberos de dinare e de pitzinnos. Ma sa Sardigna, colpida dae su Coronavirus chircat de torrare a sa normalidade aberrende sos aeroportos e sas atividades econòmicas e culturales.