CASTEDDU. Sunt 70 mìgia, in una chida, sas registratziones de sos biagiadores chi ant cumpiladu su mòdulu pro intrare in Sardigna. E immoe b’at s’app Sardegna Sicura, chi permitit de  fàghere sa registratzione online. Si podet, ma cussu lu sèberat su biagiadore, finas inghitzare su traciamentu pro cònnòschere sos ispostamentos s’incapas s’intrat in cuntatu cun sugetos positivos.

Su sistema at a serbire semper e cando a sa Regione – chi nd’at a cantzellare sos datos cando no ant a serbire prus – pro averiguare sas leadas ue b’at prus turistas. A ispiegare comente funtzionat est su dirigente regionale de su team Innovatori, Riccardo Porcu:”S’annanghet a Immuni, no la escluit” narat “Sardegna sicura funtzionat cun su Gps, cussa istatale cun su bluetooth”.