CASTEDDU. “Tochat de lassare chi sa filera nàutica torret a mòere”. Sa rechesta arribat dae sa Lega Sargegna, chi iscriet una lìtera a su presidente de sa Regione Christian Solinas.

“Sunt medas sas regiones chi ant permìtidu chi sas barcas esserent torradas pro more de sos diportistas – iscriet su cabugrupuleghista in Sardigna Dario Giagoni – finas petzi pro fàghere traballos de manutentzione in sos portos, e medas cussas chi bient torradas a inghitzare sas fainas in sos cantieris nàuticos. Sa rechesta dae custu ghetu non mancat, antzis, e sende chi sunt operatziones chi rechedint una temìstica puru e non luego ala permìtere como de nos fàghere agatare prontos cando, in fenes, amus a pòdere bìere s’abertura chi semus isbetende”.

“Cunsentire a sos meres, armadores o marinajos cun cuntratos de traballu regulares de oòdre andare a sos ormègios – at naradu su consigieri Michele Ennas – pro fàghere manutentziones tècnicas e/o compudadas de seguresa sunra s’imbarcatzione non diat tènnere perunu arriscu ne su non respetu de sas normativas in vigèntzia, in virtude finas de sos logos ampros e abertos ue si faghent custas fainas a fitianu”.

Semus seguros de su totu chi in s’inghitzu de custa fase noa de cuntrastu epidemiològicu, su de mustrare atentu a custu setore, finas cunsiderende su naturale de ‘ìsula pro custas cosas, diat significare de fàghere torrare a mòere unu ingranàgiu de s’economia regionale nostra e a totu s’indotu chi nd’est cullegadu”, serrant sos duos esponentes leghistas.