CASTEDDU. Su virus ponet in crisi s'indùstria turìstica sarda chi tenet finas su problema de sos collegamentos de mare e aèreos. Oe est regortu s'apellu de sa FASI cun una intervista a Tonino Mulas, responsàbile de sos Trasortos de sa Federatzione chi riunit totu sos tzìrculos sardos de sa Penìsula. Ma su coronavirus sighit a èssere una emergèntzia sanitària in totu s'ìsula in ue sos comunes si sunt atretzende pro donare respostas. Amus a faeddare de s'arrennegu de unu imprendidore de Cuartùciu mutadu pro 7000 Euros. Custu e meda àteru in sa puntada de oe in #7dies.